from Әселхан
Қазіргі таңда қазақ халқы саны көп сапалы ұрпақ тәрбиелеу керек. Кез келген үлкен мемелекет шағын отбасылардан құралады. Мүмкін шағын отбасы емес, үлкен отбасы құру дәстүрін жаңғыртатын кез келген шығар.
Қазіргі таңда төрт балалы отбасы көпбалалы болып саналады. Жеке өзім көпбалалы отбасында өстім. Нарықтық заманда, әр адам бәсекеге қабілетті болуы мінддетті кезеңде, сан мен сапа критерийін қатар алып жүрген дұрыс. Бір жағынан көп балалы ата-ана бақытына кеңелсеңіз, екінші жағынан жақсы тәрбиеленген балаларыңыздан өзіңізге жан жақты тірек таба аласыз. Мәселен, бір отбасыда әр түрлі мамандық игерген баларға не жетсен! Өз отбасыңызда дәрігердің де, мұғалімнің де, заңгердің де, техниктің де шығуына мүмкіндік аласыз. Не балаларыңыз бір салада жұмыс жасап, отбасылық денастия құруға болады. Кез келген тұрғыдан қарағанда дұрыс тәрбие алған бала әрдайым сіздің тірегіңіз, артыңыздан дұға етіп қалар ұрпағыңыз! Сондықтан мемлекет үшін, өзіміз үшін сан мен сапаға жұмыс жасайық!
Осы тұрғыда жастардың көп балалы отбасы құруға құштарлығын қалай арттырмыз деген заңды сұрақ туындайды. Әлемді өзгерткің келсе, өзіңнен баста дейді! Жастардың көпбалалы отбасы болуға көзқарасын өзгерту үшін өзіңізден бастаңыз. Оларға құр сөзге қарағанда нақты үлгі керек. Көп балалы отбасыдан болсаңыз бауырмалдығыңызбен, қамқорлығыңызбен үлгі болыңыз. Бірге өскен берік ірге болатынына кез келген көз жеткізетіндей дәрежеде болыңыз. Сонда сізге қызығады. Жалғыз өссе, сіз өскен отбасыға қарап, болашақта менің де көп балам болса екен деп тамсанады. Сіз соған сай болуңыз керек. Ал көпбалалы отбасыдан болмасаңыз, өзіңіз сондай обасы құрыңыз. Берекелі де өнегелі шаңырақ көтеріп, тікелей сізге қызағатындай болу керек.
Үйлену оңай, үй болу қиын дейді. Әрине, оңай ештене де жоқ! Әр нәрсенің ауыртпалығы мен салмағы бар. Көп жастар үшін пәтер, әлеуметтік қамтылу мәселесі көпбалалы отбасы болу мақсатындағы үлкен өткел сияқты. Ол өткелді өту де қиын көрінеді. Енді қарап ойланыйықшы, нақты Алматы жағдайын қарастыратын болсақ, пәтер мәселесі шешілетін сәтті күте берсеңіз отбасылы болудың қызығын көрмей қалу ықтималдығы бар. Әр баланың өзінің ырыс, несібесі бар дейді. Көп жағдайда жас отбасыны ата-аналары қолдап, қамдап жатады. Не болмаса арнайы бағдарламамен жастарға жеңілдікпен үй беру мәселесі мемлекет тарапынан да реттеліп жатыр. Басты көрсеткіш сіздің ниетіңіз. Кез келген амал ниетке қарай бағаланады. Ал қалғаны өз сәтімен болатына сенемін.
Ал, «Мен өз басым моральна қазір үйленуге дайынмын және көп баланынң әкесі болғанымды қалаймын. Бірақ менде не баспана жоқ, не жұмыс жоқ. Мен секілді жігітке қандай қыз күйеуге шығады?» – деп жүрген жігіттерге жауап ретінде мына нәрсені айтып өткім келеді.
« Көптеген қыздар үшін өздерінің бағасы сіздің әлеуметтік жағдайыңыз, не қалтаңыз қанша көтере алатыны болуы міндетті емес, бірақ ондайлардың да барын мойындаймын! Қыз қандай құндылықты бағалайтыны да сіздің таңдауыңыз! «Неге қыздар қалталы азаматарға қызығады?» деудің орнына «Неге мен әлеуметтік жағдайды ғана бағалайтын қыздарды таңдай беремін?» деген сұрақ қойған орындырақ. Ер мінезділік, Иман, тәрбие, білім құны жетпес байлық деп санайтын аруларымыз қаншама… Егер жылтырлаған, қымбат әдемі мұқабасынан басқа ештенесі жоқ қыздардан шаршасаңыз, басқа адамдық құндылықтарды, имандалақта жоғары қоятын гүлдерімізге көңіл бөлсеңіздер!» ( «Қыз оқылмаған кітап сияқты болу керектен » үзінді)
P.S. Осы тақырыпта ой өрбітуге тікелей әсер еткен адамға алғыс білдіремін! Диалогты сұрақ желісімен осындай пост жарияланды.
қызды кітаппен қалай салыстыруға болады екен? қыз кітап болса, біреу-міреу кітапхана жинау керек шығар?
өмір жайлы, отбасы жайлы. оны қалай құрып, қалай әрі қарай алып кету жайлы ұзақ әңгіме айтуға болады, алайда бәріне ортақ ереже жоқ.
адам болған соң, ойланып, саралап, тек кейін отау құру керек деп ойлаймын. Әрине Жаратқанға тауекел деп, алды-артыңды ойламастан да шаңырақ құруға болады, бірақ бас, ми не үшін беріледі. бәрі сіз айтқандай жеңіл болса ғой. шіркін!
Кейбір адамдар өздерін данышпанбыз деп санап, көп балаларды сапасыз тәрбиелеп жіберсе ше? )
“басқа адамдық құндылықтарды, имандалақта жоғары қоятын гүлдерімізге көңіл бөлсеңіздер!» – өкінішке орай әдемі қыздардың ішінде ондайлар аз:( Ал сұлулық жігіттерге (көбіне) шешуші рөл атқарады.
Бұл жерде де қйтадан сіздің таңдауыңыз! Сұлу сұлу емес, сүйген сұлу деген де бар емес пе?
Иә, түрлі жағай болуы мүмкін! Идеалды ешнәрсе жоқ! Кейде ата анасын тәрбиелеп жатқан да балалар өмірде кезігеді! Бұл жерде сол балалардың арасында Аллаһ Тағаланың қалауымен санасына ақыл берілген бір бала шықса, қалғандарын өзімен ілестіру ықтималдығы барын да ескеру керек
Әйел сұлу болу үшін жаралған, тым болмаса жас кезінде сұлу болуы керек. Сұлу болмаса әрине құдайдың жазуы оған да бір жігіт табылар. Жігіттің бәрі керемет емес, тең теңімен тезек қабымен.
Көп балалы болғанға не жетсін. Бір немесе екі балалы қарт кісілердің балалары бір күнде жол апатынан қайтыс болып “аһ” ұрғанын да көрдік.
Дегенмен баспана мәселесі көп жағдайда кедергі болады. “Байтал түгіл бас қайғы” деген осындайдан шыққан. Қазіргі нарықтық заманның ағымы көп балалы болуға кедергі келтіреді.Жастардың бірінші баласы мен келесі балаларының арасында 4-5 жыл уақыт айырмасы бар.Себебі,баспана, ақшаның жетіспеушілігі.Мемлекет жас отбасына көмек бермесе де жас анаға қомақты қаржы төлеп отырса дұрыс болар еді.Еліміз жаңа туған нәрестенің есебіне әжептеуір қаражат салатындай бай ел,бірақ жүзеге асырар ел жоқ.